આરોગ્ય સંજીવની પૉલિસી, સ્ટાર હેલ્થ એન્ડ એલાઈડ ઈન્સ્યોરન્સ કંપની લિમિટેડ

• પાત્રતા
   

આરોગ્ય સંજીવની હેલ્થ ઈન્સ્યોરન્સ પૉલિસી 18 થી 65 વર્ષ વચ્ચેની ઉંમર ધરાવતી કોઈપણ વ્યક્તિઓ ખરીદી શકે છે. આરોગ્ય સંજીવની ફેમિલી ફ્લોટર પ્લાન વીમાદાતાને બે વયસ્કો અને 3 મહિનાથી 25 વર્ષ વચ્ચેની ઉંમર ધરાવતા ત્રણ આશ્રિત બાળકો અને માતા-પિતા તથા સાસુ-સસરાને આવરી લેવાની સુવિધા આપે છે.

• વીમાની રકમ
   

આ પ્લાન વ્યક્તિગત અને ફ્લોટર આધાર અંતર્ગત ઓછામાં ઓછા રૂ. 50,000 થી લઈને મહત્તમ રૂ. 10 લાખ સુધીની રેજમાં વીમા વિકલ્પ પૂરા પાડે છે.

• પોલિસી અવધિ (ટર્મ)
   

1 વર્ષ માટે ઉપલબ્ધ.

• સહ-ચુકવણી (કો-પેમેંટ)
   

પૉલિસીમાં સ્વીકાર્ય દાવા (ક્લેમ) પર 5% સહ-ચુકવણી છે, જેનો અર્થ છે કે પાત્ર વીમા રકમના 5% એ પૉલિસી ધારક (વીમાધારક) ચૂકવશે અને શેષ 95% એ વીમા કંપની (વીમાદાતા) દ્વારા ચૂકવવામાં આવશે. આનો અર્થ એ થાય છે કે દર વખતે જ્યારે કંપની પાસે દાવો (ક્લેમ) દાખલ કરવામાં આવે છે, ત્યારે વીમાધારકને દાવાની રકમની નિશ્ચિત 5% ચૂકવણી કરવી પડશે, અને ત્યારબાદ સ્ટાર હેલ્થ ઈન્સ્યોરન્સ બાકીના દાવા (ક્લેમ)ની પ્રોસેસ કરશે.

• સંચિત બોનસ
   

આરોગ્ય સંજીવની પૉલિસી તેના પૉલિસી ધારકોને દરેક દાવા-મુક્ત (ક્લેમ-ફ્રી) વર્ષ માટે બોનસ તરીકે વીમાની રકમના 5% ઓફર કરે છે જે કે વીમાની રકમના મહત્તમ 50% સુધી હોઈ શકે છે

• પ્રતિક્ષા સમયગાળો
   

1. પૉલિસીની શરૂઆતની તારીખથી 30 દિવસની અંદર થયેલ કોઈપણ બીમારી આવરી લેવામાં આવતી નથી. આ અકસ્માતના કિસ્સામાં અપવાદ છે
2. ચોક્કસ બીમારીઓ/સર્જરી માટે કવરેજ 24/48 મહિના પછી લાગુ થાય છે.
3. પૉલિસીની શરૂઆતની તારીખથી 48 મહિનાના પ્રતિક્ષા સમયગાળા બાદ પૂર્વ-હયાત રોગોને આવરી લેવામાં આવે છે

• પોર્ટેબિલિટી
   

આ પૉલિસીને પોર્ટ કરી શકાય છે. આ વિકલ્પનો ઉપયોગ ઓછામાં ઓછા 45 દિવસ પહેલાં કરવો જોઈએ, પરંતુ પૉલિસી રિન્યુઅલ તારીખથી 60 દિવસ પહેલાં નહીં

• પૂર્વ-ચિકિત્સકીય તપાસ
   

50 વર્ષથી વધુ ઉંમરના વ્યક્તિઓએ કંપનીના નામાંકિત કેન્દ્રો પર પૂર્વ-સ્વીકૃતિ આરોગ્ય તપાસ કરાવવી પડશે.

• આજીવન નવીકરણીયતા (લાઈફલોંગ રિન્યુએબિલીટી)
   

જો કે આ પૉલિસીની ખરીદી માટેની પાત્રતા એ 18 થી 65 વર્ષની વય વચ્ચેના લોકો સુધી સિમીત છે, તેમ છતાં પૉલિસી, સમયસર રિન્યુ કરવામાં આવે ત્યાં સુધી આજીવન નવીકરણીયતા પ્રદાન કરે છે. આમ કરવાથી, વીમાધારક PED ના કવરેજ, સંચિત બોનસ વગેરે જેવા સતત લાભોનો આનંદ માણી શકે છે.

અહીં વિવિધ ખર્ચાઓ છે જે આરોગ્ય સંજીવની પૉલિસી હેઠળ આવરી લેવામાં આવ્યા છે.

• હોસ્પિટલમાં દાખલ થવાનો ખર્ચ
   

1. રૂમનું ભાડું, બોર્ડિંગ તથા નર્સિંગનો ખર્ચ એ વીમાની રકમના 2% સુધી આવરી લેવામાં આવે છે જે કે મહત્તમ રૂ. 5000 પ્રતિ દિવસ સુધી હોઈ શકે છે.
2. ઇન્ટેન્સિવ કેર યુનિટ (ICU) અને ઇન્ટેન્સિવ કાર્ડિયાક કેર યુનિટ (ICCU) ખર્ચને વીમાની રકમના 5% સુધી આવરી લેવામાં આવે છે જે કે મહત્તમ રૂ. 10000 પ્રતિ દિવસ સુધી હોઈ શકે છે
3. સર્જન, એનેસ્થેટિસ્ટ, મેડિકલ પ્રેક્ટિશનર્સ, કન્સલ્ટન્ટ અને નિષ્ણાતની ફી આવરી લેવામાં આવે છે.
4. એનેસ્થેસિયા, લોહી, ઓક્સિજન, ઓપરેશન થિયેટર શુલ્ક, સર્જીકલ ઉપકરણો, દવાઓ અને ગોળીઓ, નિદાન (ડાયગ્નોસ્ટિક્સ) માટે થયેલ ખર્ચ, ડાયગ્નોસ્ટિક ઇમેજિંગ મોડેલિટીઝ પર થયેલ ખર્ચ.

• આયુષ (AYUSH) સારવાર
   

આયુષ (AYUSH) હોસ્પિટલમાં આયુર્વેદ, યોગ અને નેચરોપેથી, યુનાની, સિદ્ધ અને હોમિયોપેથીની દવાઓની પ્રણાલીઓ હેઠળ દરેક પૉલિસી વર્ષ દરમિયાન વીમાની રકમ સીમા સુધી લેવામાં આવતી ઇનપેશંટ કેર સારવાર. ટેબલમાં પણ તેનો ઉલ્લેખ કરાયી છે.

• એમ્બ્યુલન્સ ખર્ચ
   

પૉલિસી હોસ્પિટલાઇઝેશન દીઠ રૂ. 2000ની સીમા સુધીના રોડ એમ્બ્યુલન્સ ખર્ચના શુલ્કને આવરી લે છે.

• અકસ્માત કવર
   

આરોગ્ય સંજીવની ઈન્સ્યોરન્સ પૉલિસી હેઠળ આકસ્મિક ઈજા પામેલા તમામ દર્દીઓના હોસ્પિટલમાં દાખલ થવાના ખર્ચને આવરી લેવામાં આવે છે.

• આધુનિક સારવાર
   

બાર આધુનિક સારવારો વીમાની રકમના 50% સુધી આવરી લેવામાં આવે છે.

1. ગર્ભાશય ધમની એમ્બોલાઇઝેશન અને HIFU (ઉચ્ચ તીવ્રતાવાળી કેન્દ્રિત અલ્ટ્રાસાઉન્ડ)
2. બલૂન સાઇન્યુપ્લાસ્ટી
3. ડીપ બ્રેઈન સ્ટીમ્યુલેશન
4. ઓરલ કીમોથેરેપી
5. ઇમ્યુનોથેરેપી - મોનોક્લોનલ એન્ટિબોડી, ઇન્જેક્શન તરીકે આપવામાં આવે છે
6. ઇન્ટ્રા વિટ્રીઅલ ઇન્જેક્શન
7. રોબોટિક સર્જરી
8. સ્ટીરિયોટેક્ટિક રેડિયો સર્જરી
9. શ્વાસનળીની થર્મોપ્લાસ્ટી
10. પ્રોસ્ટ્રેટનું વાષ્પીકરણ
11. ION M ઇન્ટ્રા ઓપરેટિવ ન્યુરો મોનિટરિંગ
12. સ્ટેમ સેલ થેરેપી
13. ICU/ICCU ખર્ચ

ICU/ICCUમાં દાખલ થવાને કારણે થયેલા ખર્ચને પૉલિસી, પૉલિસીની સબ-લિમીટ સુધી આવરી લે છે. આમાં દવાના ખર્ચને બાદ કરતાં હોસ્પિટલના અન્ય તમામ ખર્ચની ભરપાઈ/ચુકવણીનો સમાવેશ થાય છે, જે ICU/ICCU શુલ્કના પ્રતિ દિવસના વાસ્તવિક દરના અનુમતિપાત્ર દિવસ દીઠ દરના અનુરૂપ હોય છે.

      14.  COVID-19 સારવાર કવર-

આરોગ્ય સંજીવની મેડિક્લેમ પૉલિસી કોવિડ-19ની સારવારની સાથે અન્ય બીમારીઓને પણ આવરી લે છે. જો કે, આ પૉલિસી હેઠળ COVID-19 સંબંધિત ખર્ચાઓ માટે 30 દિવસનો પ્રારંભિક પ્રતિક્ષા સમયગાળો લાગુ પડે છે.

ઓછું પ્રીમિયમ

ભારતમાં વધી રહેલા ચિકિત્સકીય ખર્ચને ધ્યાનમાં રાખીને, આરોગ્ય સંજીવની પૉલિસીનું પ્રીમિયમ એ બજારમાં ઉપલબ્ધ અન્ય આરોગ્ય વીમા પૉલિસીની તુલનાએ ઓછું છે

ઓછી સહ-ચુકવણી (કો-પેમેંટ)-

આ પૉલિસીમાં સ્વીકાર્ય દાવા (ક્લેમ) દરમિયાન વીમાધારક દ્વારા ઓછામાં ઓછી 5% ની સહ-ચુકવણી કરવી જરૂરી છે.

હપ્તા પ્રીમિયમ વિકલ્પો-

વીમાધારક વ્યક્તિ તેના પ્રિમીયમો હપ્તામાં ચૂકવવાનું પસંદ કરી શકે છે, જેમ કે અર્ધવાર્ષિક અથવા ત્રિમાસિક.

કર લાભો-

આવકવેરા એક્ટ, 1961ની કલમ 80D મુજબ, આવકવેરા આકારણી કરનાર, 60 વર્ષથી ઓછી ઉંમરના વ્યક્તિ કે પરિવારના સભ્યો આરોગ્ય વીમાના પ્રીમિયમની ચુકવણી પર રૂ. 25,000 રિબેટ મેળવી શકે છે, અને 60 વર્ષથી ઉપરના વરિષ્ઠ નાગરિકો માટે આ રકમ રૂ. 50,000 સુધી પહોંચી શકે છે. જો એક પૉલિસી અંતર્ગત 60 વર્ષથી વધુ ઉંમરના પરિવારના બે સભ્યોનો વીમો લેવામાં આવ્યો હોય તો કપાતપાત્ર રકમ વધીને 1 લાખ રૂપિયા થઈ જશે. તેનાથી વિપરિત, જો પરિવારનો એક સભ્ય 60 વર્ષથી ઓછી ઉંમરનો હોય અને તેના માતા-પિતાને સમાન પોલિસી અંતર્ગત નોંધવામાં આવે, તો તેઓને 75,000 રૂપિયાની કપાત મળી શકે છે.

પૉલિસી બાકાતની નીચેની સૂચિ આંશિક છે અને તે એક સંપૂર્ણ સૂચિ નથી. ખાતરી કરી લો કે તમે પૉલિસી ક્લોઝમાંના તમામ બાકાત વાંચ્યા છે.

• પ્રતિક્ષા સમયગાળાની સમાપ્તિ પહેલાં પૂર્વ-હયાત રોગો (PED) ની સારવાર અને તેમની પ્રત્યક્ષ જટિલતાઓ સાથે સંબંધિત ખર્ચ એ પોલિસી ક્લોઝમાં દર્શાવ્યા પ્રમાણે છે.
• વીમા પૉલિસી ક્લોઝ હેઠળ સૂચવવામાં આવેલી સારવાર, સર્જરી અને રોગો 24 મહિના અથવા 48 મહિના, જે પણ લાગુ થાય એ પ્રતિક્ષા સમયગાળા પહેલાં આવરી લેવામાં આવશે નહીં.
• આરોગ્ય સંજીવની પૉલિસી હેઠળ પૉલિસીની શરૂઆતના પ્રથમ 30 દિવસની અંદર થતી માંદગીના કારણે ઉદ્ભવતા ચિકિત્સકીય બિલ્સને આવરી લેવામાં નહીં આવે, સિવાય કે એ ચિકિત્સકીય ખર્ચ અકસ્માતના લીધે હોય, જેને પૉલિસી ખરીદીના દિવસથી આવરી લેવામાં આવશે.
• લિંગ પરિવર્તન સંબંધિત કોઈપણ સારવાર
• ઘરેલું સારવાર તથા OPD સારવાર

આરોગ્ય સંજીવની એ વીમા નિયમનકાર દ્વારા ડિઝાઇન કરાયેલ એક સામાન્ય ઉત્પાદ છે. પરંતુ અમુક વીમા કંપનીઓ વધારાના પ્રીમિયમની માંગ કરીને ગંભીર બીમારીનું વૈકલ્પિક કવર ઓફર કરે છે. પરંતુ સ્ટાર હેલ્થ એ નિયમનકાર દ્વારા ડિઝાઇન કરાયેલ તમામ સુવિધાઓ પ્રદાન કરે છે, અને પોલિસી ધારકો સમગ્ર ભારતમાં સારી બિનરોકડ (કેશલેસ) સુવિધા મેળવી શકે છે.

આરોગ્ય સંજીવનીની પૉલિસી અવધિ એક વર્ષની હોય છે. પ્રીમિયમને ત્રિમાસિક, અર્ધવાર્ષિક તથા વાર્ષિક ચૂકવણીથી ચૂકવી શકાય છે.

તમામ સ્વીકાર્ય દાવાઓ (ક્લેમ) માટે 5% સહચૂકવણી (કો-પે).

આ પૉલિસી હેઠળ પૂરી પાડવામાં આવેલ વીમાની રકમના વિકલ્પો પચાસ હજારના ગુણકમાં ₹50000 થી ₹10,00,000 ની રેંજમાં રહે છે.