விபத்துக் காப்பீடுத் திட்டங்கள்

விபத்துக் காப்பீட்டின் முக்கியமான பலனே, பாலிசியை எடுப்பதற்கு எந்தவொரு மருத்துவ பரிசோதனையும் இல்லை என்பதுதான்.

துரதிருஷ்டவசமாக பாலிசிதாரர் விபத்தில் இறக்க நேர்ந்தால், விதிமுறைகள் மற்றும் நிபந்தனைகளின்படி விபத்து காப்பீடு பாலிசி, இழப்பீடாக மொத்த தொகையையும் வழங்க வேண்டும்.

விபத்தில் காயமடைந்து, இனி எந்த வேலையும் செய்யவே முடியாத நிலை ஏற்பட்டால், அது நிரந்தர உடல் உறுப்புகள் செயலிழப்பு எனப்படுகிறது. அதுபோன்ற சூழல்களில் விபத்துக் காப்பீடு ஒரு இழப்பீட்டுத் தொகை வழங்கும்.

விபத்தினால் கை, கால் விரல்கள் போன்ற சில உறுப்புகளை நிரந்தர இழக்க நேரிடலாம். இந்த சூழலில் விபத்துக் காப்பீடுகள் இழப்பீடு வழங்கும். அப்படியான தருணங்களில் காப்பீடு நிறுவனம் (மொத்தமாக) ஒரு குறிப்பிட்ட சதவிகிதத் தொகையை வழங்கும்.

ஒரு தனி நபருக்கு விபத்தினால் குறிப்பிட்ட காலத்துக்கு உடல் செயலிழப்பு ஏற்படும். பாலிசிதாரருக்கு ஏற்படும் இப்படியான தற்காலிக செயலிழப்புக்கு விரிவான விபத்துக் காப்பீடு நிவாரணம் வழங்கும்.

விபத்தால் பாலிசிதாரர் இறக்க நேரிட்டாலோ அல்லது முழுமையான உடல் செயலிழப்பு ஏற்படும் நிலையில், அவரின் இரண்டு குழந்தைகளுக்கு கல்வி உதவித் தொகையை விபத்து காப்பீடு வழங்கும்.

சில விபத்துக் காப்பீடு பாலிசிகள், பாலிசிதாரர் விபத்தால் பாதிக்கப்பட்டு மருத்துவமனைகளில் உள்நோயாளி மற்றும் வெளிநோயாளியாகச் சிகிச்சை பெறும் செலவுகளையும் ஏற்கும். இது விதிமுறைகள் மற்றும் நிபந்தனைகளுக்கு உட்பட்டது.

மருத்துவமனையில் அனுமதிக்கப்பட்டிருக்கும் ஒவ்வொரு நாளுக்கும், 15 நாட்கள் வரை குறிப்பிட்ட தொகை காப்பீடு நிறுவனங்களால் வழங்கப்படும். பாலிசி காலத்தில் அதிகபட்சமாக இப்படி 60 நாட்களுக்கு இந்த பலனைப் பெறலாம்.

விபத்தில் காயமடைந்த பாலிசிதாரரை ஆம்புலன்ஸில் கொண்டுச் செல்லும் செலவுகளை பெரும்பாலான விபத்துக் காப்பீடு பாலிசிகள் ஏற்கும். சில பாலிசிகள் பாலிசிதாரரின் உடலை மருத்துவமனையில் இருந்து வீட்டுக்கு கொண்டுச் செல்லும் செலவையும் ஏற்கும்.