ABHA அட்டையை உருவாக்குவது எப்படி?

ABHA அட்டைப் பதிவு மற்றும் அதன் நன்மைகள் குறித்த முழுமையான வழிகாட்டி

ஆயுஷ்மான் பாரத் சுகாதாரக் கணக்கு (ABHA) அட்டை என்பது, தனிநபர்கள் தங்கள் சுகாதாரப் பதிவுகளை டிஜிட்டல் முறையில் பராமரிப்பதற்கான ஒரு தனித்துவமான வழியாகும். இது மருத்துவ வரலாறு, மருத்துவர் ஆலோசனைகள், மருந்துச் சீட்டுகள் மற்றும் பல போன்ற முக்கியமான சுகாதாரத் தரவுகளைச் சேமித்து வைப்பதன் மூலம், சுகாதாரத் தரவுகளுக்கான தடையற்ற அணுகலையும் முறையான சிகிச்சையையும் சாத்தியமாக்குகிறது. 

எந்தவொரு இந்தியக் குடிமகனும், தனது பொருளாதார நிலை அல்லது சாதியைப் பொருட்படுத்தாமல் ABHA அட்டைக்கு விண்ணப்பிக்கலாம். மேலும், விண்ணப்பிக்கும் செயல்முறை எளிமையானது மற்றும் விருப்பத்திற்கேற்ப ஆன்லைனிலோ அல்லது ஆஃப்லைனிலோ மேற்கொள்ளப்படலாம். விரிவான கண்ணோட்டத்திற்குத் தொடர்ந்து படிக்கவும்.    

ABHA அட்டை உருவாக்குவதற்குத் தேவையான ஆவணங்கள் 

ABHA அட்டைக்கு விண்ணப்பிக்கத் தேவையான ஆவணங்கள்: 

• செல்லுபடியாகும் அடையாள அட்டை: உங்கள் ஆதார் அட்டை, பான் அட்டை, ஓட்டுநர் உரிமம், வாக்காளர் அடையாள அட்டை அல்லது கடவுச்சீட்டை வழங்கி உங்கள் அடையாளத்தைத் தெரிவிக்கவும். 
• பதிவுசெய்யப்பட்ட தொலைபேசி எண்: நீங்கள் பதிவுசெய்யப் பயன்படுத்தும் கைபேசி எண் செயலில் உள்ளதா என்பதையும், அது உங்கள் அடையாள அட்டையுடன் இணைக்கப்பட்டுள்ளதா என்பதையும் உறுதிப்படுத்திக்கொள்ளுங்கள். 
• முகவரிச் சான்று: பயன்பாட்டுக் கட்டண ரசீது அல்லது வாக்காளர் அடையாள அட்டை மூலம் உங்கள் குடியிருப்பு முகவரியை நிரூபிக்கவும். 
• பாஸ்போர்ட் அளவு புகைப்படம்: ஆஃப்லைன் முறையில் விண்ணப்பிக்கும்போது, சமீபத்திய பாஸ்போர்ட் அளவு புகைப்படத்தைக் கைவசம் வைத்திருக்கவும். 

ABHA அட்டையை உருவாக்குவதற்கான வழிமுறைகள்  

உங்கள் ABHA அட்டைக்கு ABHA இணையதளம் அல்லது மொபைல் செயலி மூலம் விண்ணப்பிக்கலாம். உங்கள் விண்ணப்ப முறைக்கு ஏற்ப இந்த வழிமுறைகளைப் பின்பற்றவும்: 

ABHA வலைத்தளம் மூலம் 

• படி 1: ABHA அதிகாரப்பூர்வ வலைத்தளத்திற்குச் சென்று, “ABHA எண்ணை உருவாக்கு” என்பதைக் கிளிக் செய்யவும்.  
• படி 2: உங்கள் ஆதார் எண் அல்லது ஓட்டுநர் உரிம எண் மூலம் அடையாளச் சரிபார்ப்பு முறையைத் தேர்ந்தெடுக்கவும்.  
• படி 3: தேர்ந்தெடுக்கப்பட்ட அடையாள எண்ணுக்கான அனைத்து விவரங்களையும் சரியாக நிரப்பி, சரிபார்ப்பதற்காக கேப்ட்சாவை உள்ளிடவும். 
• படி 4: சரிபார்ப்புக்காக, உங்கள் அடையாள அட்டையுடன் இணைக்கப்பட்ட கைபேசி எண்ணுக்கு ஒரு OTP அனுப்பப்படும். 
• படி 5: OTP-ஐ உள்ளிட்டு, தொடர 'அடுத்து' என்பதைக் கிளிக் செய்யவும். 
• படி 6: பதிவுசெய்யப்பட்ட கைபேசி எண்ணும் உள்ளிடப்பட்ட கைபேசி எண்ணும் ஒன்றாக இருந்தால், ஒரு உரையாடல் பெட்டி தோன்றும். தொடர்வதற்கு 'continue' என்பதைக் கிளிக் செய்யவும்.  
• படி 7: உங்கள் ABHA முகவரிக்கான பயனர்பெயரை உள்ளிட்டு, “ABHA உருவாக்கு” என்பதைக் கிளிக் செய்யவும். 
• படி 8: உங்கள் 14-இலக்க ABHA அடையாள எண், முகவரி மற்றும் விவரங்கள் அடங்கிய ABHA அட்டை திரையில் தோன்றும். 
• படி 9: உங்கள் ABHA அட்டையை PDF வடிவத்தில் பதிவிறக்கம் செய்து, எதிர்காலப் பயன்பாட்டிற்காக உங்கள் சாதனத்தில் சேமித்துக் கொள்ளுங்கள். 

ABHA மொபைல் செயலி மூலம் 

• படி 1: ஆப் ஸ்டோர் அல்லது கூகுள் ப்ளே ஸ்டோரிலிருந்து ABHA மொபைல் செயலியைப் பதிவிறக்கம் செய்யவும்.
• படி 2: செயலியைத் தொடங்கி, உங்கள் மொழியைத் தேர்ந்தெடுக்கவும். 
• படி 3: பதிவுசெய் என்பதைக் கிளிக் செய்து, “கைபேசி எண் மூலம் பதிவு செய்யவும்” என்பதைத் தேர்ந்தெடுக்கவும்.  
• படி 4: உங்கள் தொலைபேசி எண்ணை உள்ளிட்டு, “தொடரவும்” என்பதைத் தேர்ந்தெடுத்தால், உங்கள் தொலைபேசிக்கு ஒரு OTP வரும்.  
• படி 5: பெறப்பட்ட OTP-ஐ உள்ளிட்டு, கட்டாய விவரங்களைச் சரியாக நிரப்பவும். 
• படி 6: உங்கள் ABHA முகவரியை உருவாக்கி, 'சமர்ப்பி' என்பதைக் கிளிக் செய்யவும். உங்கள் ABHA முகவரி வெற்றிகரமாக உருவாக்கப்பட்டவுடன், நீங்கள் 14 இலக்க தனித்துவமான அடையாள எண்ணைப் பெறுவீர்கள். 
• படி 7: உங்கள் கணக்கைப் பாதுகாக்க கடவுச்சொல்லை உள்ளிடவும்.
• படி 8: வெற்றிகரமான பதிவுக்குப் பிறகு, உங்கள் ABHA அட்டை செயலியில் தோன்றும். அதை உங்கள் தொலைபேசியில் பதிவிறக்கம் செய்துகொள்ளலாம். 

ABHA அட்டைக்கான ஆஃப்லைன் விண்ணப்பம் 

உங்களால் ஆன்லைனில் பதிவு செய்ய முடியவில்லை என்றால், கவலை வேண்டாம்! இந்த வழிமுறைகளைப் பின்பற்றி நீங்கள் ஆஃப்லைனிலும் பதிவு செய்யலாம்: 

• படி 1: அருகிலுள்ள சமுதாய மருத்துவமனைக்கோ அல்லது ஆயுஷ்மான் பாரத் சமூக சேவை மையத்திற்கோ (CSC) செல்லுங்கள். இந்த மையங்களின் பட்டியலை ABHA இணையதளத்தில் காணலாம். 
• படி 2: உங்கள் அடையாள அத்தாட்சி மற்றும் உங்கள் புகைப்படம், முகவரி அத்தாட்சி போன்ற பிற ஆவணங்களை எடுத்துச் செல்லுங்கள். 
• படி 3: பதிவுப் படிவத்தில் கோரப்பட்டுள்ள அனைத்து விவரங்களையும் பூர்த்தி செய்து, OTP அல்லது பயோமெட்ரிக் சரிபார்ப்பு மூலம் உங்கள் அடையாளத்தைச் சரிபார்க்கவும்.
• படி 4: பூர்த்தி செய்யப்பட்ட படிவத்தையும், தேவைப்படும் அனைத்து ஆவணங்களையும் (ஏதேனும் இருந்தால்) நியமிக்கப்பட்ட பிரதிநிதியிடம் சமர்ப்பிக்கவும்.  
• படி 5: CSC அல்லது சுகாதார நிலையம் உங்கள் விண்ணப்பத்தைப் பரிசீலிக்கும். வெற்றிகரமான பதிவுக்குப் பிறகு, அதில் அச்சிடப்பட்ட 14 இலக்கத் தனித்துவமான அடையாள எண்ணுடன் கூடிய உங்கள் ABHA அட்டையைப் பெறுவீர்கள். 

ABHA அட்டை மருத்துவப் பதிவுகளின் சரிபார்ப்பு மற்றும் நிர்வாகத்தை எளிதாக்குகிறது, இதன் மூலம் சமூகத்தின் நலிந்த பிரிவினர் சிரமமின்றி தரமான சுகாதார வசதிகளைப் பெற முடிகிறது. மேலும், ஸ்டார் ஹெல்த் போன்ற முக்கிய வழங்குநர்களிடமிருந்து தனிநபர்கள் தங்கள் சுகாதாரக் காப்பீட்டு விவரங்களையும் கண்காணிக்க முடியும், இது மருத்துவ அவசர காலங்களில் காப்பீட்டைப் பெறுவதற்கு மிகவும் பயனுள்ளதாக இருக்கும்.   

 
ஆகவே, மருத்துவச் சேவைகளை எளிதாகப் பெறுவதைப் பொறுத்தவரை, ABHA அட்டை ஒரு வரப்பிரசாதமாக அமையும்!