பயணக் காப்பீடுத் திட்டங்கள்

பயணம் எப்போதும் பரவசமே. அதேநேரம், உணவு, சுற்றுப்புறம், எதிர்பாராத சம்பவங்கள் உள்ளிட்டவை உடல்நலக் குறைவை ஏற்படுத்தலாம். இந்த சூழலில், அவசரகால மருத்துவ சிகிச்சை செலவுகளை ஏற்கும் பயணக் காப்பீடு அவசியம். 

செக்-இன் செய்யப்பட்ட உங்களது லக்கேஜை இழக்க நேரிட்டாலோ, லக்கேஜ் கிடைக்க தாமதமானாலோ அதனால் ஏற்படும் அசௌகரியத்தை களைந்து உங்களின் அத்திவாசிய செலவுகளை, பயணக் காப்பீடு ஏற்கும்.

வெளிநாட்டு பயணங்களின் போது பாஸ்போர்ட் அவசியம். ஒருவேளை உங்கள் பாஸ்போர்ட் தொலைந்து போனால், புதிய அல்லது பாஸ்போர்ட்டின் நகலைப் பெறுவதற்கான செலவுகளை பயணக் காப்பீடு பாலிசி நிறுவனங்கள் ஏற்றுக்கொள்ளும்.

வெளிநாடுகளில் இருக்கையில் பாலிசிதாரர் விபத்தில் உயிரிழந்தாலோ அல்லது உறுப்புகள் செயலிழந்தாலோ, காப்பீட்டாளர் ஒரு குறிப்பிட்ட தொகையை பாலிசிதாரரின் குடும்பத்துக்கோ அல்லது அவரது சட்டப் பிரதிநிதிகளிடமோ வழங்கும்.

பாலிசிதாரர் வெளிநாட்டில் இறந்துவிட்டால், அவரது உடலை சொந்த ஊருக்கு கொண்டுவரும் செலவு அல்லது அந்த நாட்டிலேயே புதைக்க அல்லது தகனம் செய்ய ஆகும் செலவுக்கு இணையான இழப்பீடையும் பயணக் காப்பீடு ஏற்கும்.

பயணம் தொடர்பான அசௌகரியங்கள் தவிர பெரும்பாலான பயணக் காப்பீடு திட்டங்கள் அவசரகால பல் சிகிச்சை செலவுகளையும் ஏற்றுக்கொள்ளும். உங்கள் இயற்கையான பற்களுக்கு விபத்தினால் ஏற்படும் காயங்களுக்கான சிகிச்சை செலவுகளை மட்டுமே அவை ஏற்றுக்கொள்ளும்.

வெளிநாட்டு மண்ணில் மூன்றாவது நபரால் உடல்ரீதியாகக் காயமோ அல்லது உடல்நலக் குறைவோ பாலிசிதாரருக்கு ஏற்பட்டால், அவர் சட்டப்பூர்வ பாதுகாப்புப் பெற்றிருந்தால், பாலிசியில் குறிப்பிட்டபடி இழப்பீட்டுத் தொகையை பாலிசிதாரருக்கு காப்பீடு நிறுவனம் வழங்கும்.

வெளிநாட்டு மண்ணில் பாலிசிதாரர் மூலம் மூன்றாவது நபருக்கு உடல்ரீதியாகக் காயமோ அல்லது உடல்நல பாதிப்போ ஏற்பட்டால், பாலிசியில் குறிப்பிட்டபடி இழப்பீட்டுத் தொகையை பாலிசி எடுத்தவருக்கு காப்பீடு நிறுவனம் வழங்கும்.

பாலிசிதாரர் பயணிக்கும் பொது விமானம் கடத்தப்பட்டு, 12 மணி நேரத்துக்கும் மேலாக பயணம் பாதிக்கப்பட்டால், பயண காப்பீடு நிறுவனம் அவருக்கு பயணப்படியாக ஒரு தொகையை வழங்கும். பாலிசியில் குறிப்பிடப்பட்டிருக்கும் தொகை பயணப்படியாக வழங்கப்படும்.