ஸ்டார் கேன்சர் கேர் பிளாட்டினம் இன்சூரன்ஸ் பாலிசி
புற்றுநோயால் பாதிக்கப்பட்டவர்களுக்கு முழுமையான நிதிப் பாதுகாப்பையும் ஆதரவையும் வழங்கும் வகையில், இந்த பிரத்யேக மருத்துவக் காப்பீட்டுத் திட்டம் வடிவமைக்கப்பட்டுள்ளது. புற்றுநோய் சிகிச்சை மட்டுமின்றி, இதர மருத்துவச் செலவுகளையும் உள்ளடக்கிய விரிவான பாதுகாப்பை, இது வழங்குகிறது. மருத்துவமனையில் அனுமதிக்கப்பட்டு பெறும் சிகிச்சைக்கான செலவுகள், அனுமதிக்கப்படுவதற்கு முன்னும் பின்னும் ஏற்படும் செலவுகள் மற்றும் நவீன சிகிச்சை முறைகள் ஆகிய அனைத்தும், இதில் அடங்கும். புற்றுநோய் மீண்டும் தோன்றுவது அல்லது உடலின் மற்ற பகுதிகளுக்குப் பரவுவது (Metastasis) போன்ற சூழ்நிலைகளில் மொத்தத் தொகையாக வழங்கப்படும் பாதுகாப்பு (Lump sum cover), தீவிர நிலைகளுக்கான ஆதரவுப் பராமரிப்பு (Hospice Care), மறுவாழ்வு மற்றும் வலி நிவாரணம் போன்ற சிறப்பு அம்சங்கள் நோயாளிகளுக்கு முழுமையான கவனிப்பை உறுதி செய்கின்றன. முன் மருத்துவப் பரிசோதனைகள் எதுவும் கட்டாயமில்லை, 5 மாதக் குழந்தை முதல் 65 வயது வரையிலான நபர்கள், இதில் இணையலாம். சிகிச்சைச் செலவுகள் குறித்த கவலையின்றி, நோயாளிகள் முழு கவனத்துடன் நலம் பெறுவதற்கு, இத்திட்டம் உறுதியான நிதி ஆதரவையும், மன அமைதியையும் அளிக்கிறது. புற்றுநோயை எதிர்கொள்ளும் தருணத்தில் உறுதுணையாக நிற்கும் ஸ்டார் ஹெல்த் நிறுவனத்தின், இத்திட்டத்தைப் பற்றி மேலும் விரிவாகப் பார்ப்போம்.
IRDAI UIN: SHAHLIP22031V022122
HIGHLIGHTS
Plan Essentials
மருத்துவப் பரிசோதனை
புற்றுநோயால் பாதிக்கப்பட்டவர்களின் தேவைகளைக் கருத்தில் கொண்டு, இக்காப்பீட்டைப் பெற முன்கூட்டிய மருத்துவப் பரிசோதனைகள் (Pre-medical test) எதுவும் கட்டாயமில்லை.
தனித்துவமான காப்பீட்டுப் பலன்
புற்றுநோயால் பாதிக்கப்பட்டவர்களுக்காகவே பிரத்யேகமாக வடிவமைக்கப்பட்டது. இது புற்றுநோய் சிகிச்சைக்கான செலவுகள் மட்டுமின்றி, புற்றுநோய் அல்லாத பிற நோய்களுக்கான மருத்துவச் செலவுகளையும் வழங்குகிறது.
மொத்தக் காப்பீட்டுத் தொகை
புற்றுநோய் மீண்டும் தோன்றுவது, உடலின் பிற பகுதிகளுக்குப் பரவுவது (Metastasis) அல்லது முந்தைய புற்றுநோயோடு தொடர்பில்லாத புதிய புற்றுநோய் ஏற்படுவது போன்ற சூழல்களில், முழுத் தொகையும் ஒரே தவணையாக வழங்கப்படுகிறது.
ஆதரவுப் பராமரிப்பு
புற்றுநோயின் இறுதிக் கட்டத்தில் உள்ள நோயாளிகளின் வாழ்க்கைத் தரத்தை உயர்த்தி, அவர்களுக்குத் தேவையான மன அமைதியையும் முழுமையான கவனிப்பையும் வழங்கும் ஆதரவுப் பராமரிப்பு.
Detailed List
பாலிசியில் உள்ள சிறப்பம்சங்கள்
பிரிவு I
காப்பீட்டுக் காலம்இத்திட்டத்தை ஓராண்டு காலத்திற்குப் பெற்றுக்கொள்ளலாம். |
சேர்வதற்கான வயது5 மாதம் முதல் 65 வயது வரை உள்ள எவரும், இத்திட்டத்தில் இணையலாம். |
காப்பீட்டுத் தொகைஇத்திட்டத்தின் கீழ் ரூ.5,00,000/-, ரூ.7,50,000/- மற்றும் ரூ.10,00,000/- ஆகிய தொகைகளில் காப்பீட்டைத் தேர்ந்தெடுத்துக் கொள்ளலாம். |
உள்நோயாளி மருத்துவமனைச் செலவுகள்நோய், காயம் அல்லது விபத்து காரணமாக மருத்துவமனையில் 24 மணி நேரத்திற்கு மேலாக அனுமதிக்கப்பட்டுப் பெறும் சிகிச்சைச் செலவுகள் வழங்கப்படும். |
மருத்துவமனையில் சேருவதற்கு முந்தைய செலவுகள்மருத்துவமனையில் அனுமதிக்கப்படுவதற்கு முந்தைய 30 நாட்கள் வரை ஏற்பட்ட மருத்துவச் செலவுகளும், இத்திட்டத்தில் அடங்கும். |
தொடர் சிகிச்சைச் செலவுகள்மருத்துவமனையிலிருந்து டிஸ்சார்ஜ் ஆன நாளிலிருந்து 60 நாட்கள் வரை ஏற்படும் தொடர் மருத்துவச் செலவுகள், ஒவ்வொரு முறை அனுமதிக்கப்படும்போதும் அடிப்படை காப்பீட்டுத் தொகையில் அதிகபட்சமாக 2% வரை வழங்கப்படும். |
ஆம்புலன்ஸ் கட்டணம்காப்பீடு பெற்றவரை மருத்துவமனைக்கு அழைத்துச் செல்லும்போது, தனியார் ஆம்புலன்ஸ் சேவைகளுக்கு ஆகும், கட்டணங்கள் வழங்கப்படும். |
அறைக் கட்டணம்உள்நோயாளி சிகிச்சையின் போது தங்கும் அறை, உணவு மற்றும் செவிலியர் சேவைக் கட்டணங்கள் வழங்கப்படும் . |
தீவிர சிகிச்சைப் பிரிவு கட்டணம் (ICU)இத்திட்டத்தின் கீழ் தீவிர சிகிச்சைப் பிரிவில் (ICU) ஆகும், முழுச் செலவும் ஏற்கப்படும். |
கண்புரை சிகிச்சைகண்புரை சிகிச்சைக்கான செலவுகள், பாலிசி விதிமுறைகளில் குறிப்பிடப்பட்டுள்ள உச்சவரம்பிற்கு உட்பட்டு வழங்கப்படும். |
நவீன சிகிச்சைகள்நவீன மருத்துவ சிகிச்சைகளுக்கான செலவுகள், பாலிசி விதிமுறைகளில் குறிப்பிடப்பட்டுள்ள உச்சவரம்பிற்கு உட்பட்டு வழங்கப்படும். |
ஒரே நாள் சிகிச்சை நடைமுறைகள்நவீன மருத்துவத் தொழில்நுட்ப வளர்ச்சியால், 24 மணி நேரத்திற்குள் முடிந்துவிடும் சிகிச்சைகள் மற்றும் அறுவை சிகிச்சைகளுக்கான செலவுகள் ஏற்றுக்கொள்ளப்படும். |
மறுவாழ்வு மற்றும் வலி நிவாரணம்மறுவாழ்வு மற்றும் வலி நிவாரணச் செலவுகளுக்கு, நிர்ணயிக்கப்பட்ட உச்சவரம்பு அல்லது அடிப்படை காப்பீட்டுத் தொகையில் அதிகபட்சமாக 10% வரை (எது குறைவோ அத்தொகை) வழங்கப்படும். |
ஆதரவுப் பராமரிப்புபுற்றுநோயின் தீவிர இறுதிக் கட்டத்தில் உள்ள நோயாளிகள் நெட்வொர்க் மருத்துவமனைகளில் பெறும் ஆதரவுப் பராமரிப்பிற்கு, 12 மாத காத்திருப்பு காலத்திற்குப் பிறகு அடிப்படைக் காப்பீட்டுத் தொகையில் 20% வரை வழங்கப்படும். |
கோ-பேமெண்ட்காப்பீடு பெறுபவர் 61 வயது அல்லது அதற்கு மேற்பட்ட வயதில் இத்திட்டத்தை வாங்கினாலோ அல்லது புதுப்பித்தாலோ, ஒவ்வொரு கிளைம் தொகையிலும் 10 சதவீதத்தை, பாலிசிதாரரே ஏற்க வேண்டும். |
தொடர் போனஸ்கிளைம் எதுவும் கோராத ஒவ்வொரு ஆண்டிற்கும் அடிப்படைக் காப்பீட்டுத் தொகையில் 5% கூடுதல் போனஸாக வழங்கப்படும் (அதிகபட்சமாக 50% வரை). |
மறு மருத்துவ ஆலோசனைகாப்பீடு பெற்றவர், தனது சிகிச்சை குறித்து நிறுவனத்தின் நெட்வொர்க் பட்டியலில் உள்ள மற்றொரு மருத்துவரிடம் மறு ஆலோசனை பெற்றுக்கொள்ளலாம். |
உடல்நலப் பரிசோதனைகிளைம் எதுவும் கோராத ஒவ்வொரு ஆண்டிற்கும், உடல்நலப் பரிசோதனைச் செலவுகளுக்காக ரூ. 2,500/- வரை வழங்கப்படும். |
நலவாழ்வுச் சேவைகள்பல்வேறு ஆரோக்கியச் செயல்பாடுகள் மூலம் காப்பீடு பெற்றவர்களின் ஆரோக்கியமான வாழ்க்கை முறையை ஊக்குவிக்கவும், அதற்காகச் சிறப்புச் சலுகைகள் மற்றும் ரிவார்ட் வழங்கவும், இத்திட்டம் வழிவகுக்கிறது. |
தவணை முறை வசதிஇத்திட்டத்திற்கான பிரீமியத்தை மூன்று மாதங்களுக்கு ஒருமுறையோ அல்லது ஆறு மாதங்களுக்கு ஒருமுறையோ தவணை முறையில் செலுத்தலாம். |
ஆயுஷ் சிகிச்சைகள்ஆயுஷ் அங்கீகாரம் பெற்ற மருத்துவமனைகளில் ஆயுர்வேதம், யுனானி, சித்தா மற்றும் ஹோமியோபதி முறைகளில் உள்நோயாளியாகத் தங்கி சிகிச்சை பெறுவதற்கான மருத்துவச் செலவுகள், அடிப்படைக் காப்பீட்டுத் தொகை வரை முழுமையாக வழங்கப்படும். |
பிரிவு II
புற்றுநோய்க்கான மொத்தத் தொகை பாதுகாப்பு - விருப்பத் தேர்வுபுற்றுநோய் மீண்டும் தோன்றுதல் (Recurrence), உடலின் மற்ற பகுதிகளுக்குப் பரவுதல் (Metastasis) அல்லது முந்தைய புற்றுநோயோடு தொடர்பில்லாத புதிய புற்றுநோய் (Second malignancy) ஏற்படுதல் போன்ற சூழல்களுக்கு மொத்தத் தொகையாக (Lump sum) ஒரு குறிப்பிட்ட நிதி உதவி வழங்கப்படும். இந்தப் பலன் பிரிவு 1-ன் கீழ் உள்ள இழப்பீட்டுக் காப்பீட்டுத் தொகையுடன் (Section I Sum Insured) கூடுதலாக வழங்கப்படுகிறது. இப்பிரிவின் கீழ் வழங்கப்படும் காப்பீட்டுத் தொகையானது, பிரிவு 1-ன் காப்பீட்டுத் தொகையில் 50% ஆகும். |
பாலிசி தொடர்பான விவரங்கள், விதிமுறைகள் மற்றும் நிபந்தனைகளை முழுமையாகத் தெரிந்துகொள்ள பாலிசி ஆவணங்களைப் படிக்கவும்.
காத்திருப்பு காலம்
- ஏற்கனவே உள்ள நோய்களுக்கு - 30 மாதங்கள்
- குறிப்பிட்ட நோய்கள்/சிகிச்சைகளுக்கு - 24 மாதங்கள்
- ஆரம்ப காத்திருப்பு காலம் - 30 நாட்கள் (விபத்துகள் தவிர்த்து)
நவீன சிகிச்சைகள்
நவீன சிகிச்சைகளுக்கான காப்பீட்டு விவரங்களை அறிய [இங்கே கிளிக் செய்யவும்].
நலவாழ்வுச் சேவைகள் (Wellness Service)
பல்வேறு ஆரோக்கியச் செயல்பாடுகள் மூலம் பாலிசிதாரர்களின் ஆரோக்கியமான வாழ்க்கை முறையை ஊக்குவிக்கவும், அதற்கான சிறப்புச் சலுகைகள் மற்றும் ரிவார்டுகளை வழங்கவும், இத்திட்டம் வழிவகுக்கிறது.
காப்பீடு பெற்றவர் பின்வரும் சேவைகளைப் பெற்றுக்கொள்ளலாம்:
- உணவு மற்றும் ஊட்டச்சத்து திட்டம்: நோய் எதிர்ப்புச் சக்தியை அதிகரிக்கவும் மீட்டெடுக்கவும்.
- உடல் எடைக் கட்டுப்பாடு: ஆரோக்கியமான உடல் எடையைப் பராமரிக்க.
- சிறப்பு மருத்துவர் ஆலோசனை: ஸ்டார் டெலி-ஹெல்த் (Star Tele-health) செயலி மூலம் கிடைக்கும்.
குறிப்பு:
இந்த நலவாழ்வுத் திட்டத்தைப் (Wellness Program) பயன்படுத்துவதன் மூலமாகவோ அல்லது அதன் காரணமாகவோ ஒரு பயனாளருக்கு ஏதேனும் இழப்புகள், உடல் பாதிப்புகள், பண விரயங்கள் அல்லது செலவுகள் ஏற்பட்டதாகக் கோரினால், அதற்கு ஸ்டார் ஹெல்த் நிறுவனம், அதன் குழும நிறுவனங்கள், அவற்றின் இயக்குநர்கள், அலுவலர்கள், ஊழியர்கள், முகவர்கள் அல்லது விற்பனையாளர்கள் எந்த வகையிலும் பொறுப்பேற்க மாட்டார்கள். இத்திட்டத்தின் கீழ் வழங்கப்படும் சேவைகள் அவ்வப்போது ஐஆர்டிஏ (IRDA) வழங்கும் வழிகாட்டுதல்களுக்கு உட்பட்டவை.
பரிசீலனைக் காலம்
இலவசப் பரிசீலனைக் காலச் சலுகை புதிய தனிநபர் மருத்துவக் காப்பீட்டு பாலிசிகளுக்கு மட்டுமே பொருந்தும்; பாலிசியைப் புதுப்பிக்கும் போதோ அல்லது நிறுவனம் மாறும்போதோ/ பாலிசி திட்டத்தை மாற்றம் (Porting/Migrating) செய்யும் போதோ, இது பொருந்தாது.
பாலிசி ஆவணம் மின்னணு முறையிலோ அல்லது நேரடியிலோ கிடைக்கப்பெற்ற நாளிலிருந்து, அதன் விதிமுறைகள் மற்றும் நிபந்தனைகளை மறுபரிசீலனை செய்ய பாலிசிதாரருக்கு 30 நாட்கள் அவகாசம் வழங்கப்படும். அதில் உடன்பாடு இல்லை எனில், பாலிசியைத் திருப்பி ஒப்படைக்கலாம்.
i. பரிசீலனைக் காலத்தில் எவ்வித கோரிக்கையும் செய்யப்படவில்லை எனில், நிறுவனத்தால் மேற்கொள்ளப்பட்ட மருத்துவப் பரிசோதனைச் செலவுகள் மற்றும் முத்திரைக் கட்டணம் பிடித்தம் போக, செலுத்தப்பட்ட பிரீமியம் திருப்பித் தரப்படும் அல்லது
ii. காப்பீட்டுப் பாதுகாப்பு ஏற்கனவே தொடங்கிவிட்ட நிலையில், பாலிசியைத் திருப்பி ஒப்படைக்கும் உரிமையை பாலிசிதாரர் பயன்படுத்தினால், காப்பீடு பயன்பாட்டில் இருந்த காலத்திற்கான விகிதாசார பிரீமியம் மட்டும் பிடித்தம் செய்யப்படும், அல்லது
iii. காப்பீட்டுப் பாதுகாப்பின் ஒரு பகுதி மட்டுமே தொடங்கியிருந்தால், அக்குறிப்பிட்ட காலத்தின் காப்பீட்டிற்கு இணையான விகிதாசார பிரீமியம் மட்டும் பிடித்தம் செய்யப்படும்.
வேறு ஏதாவது தேடுகிறீர்களா?
அனைத்து திட்டங்களையும் பார்க்கஉடனே தொடங்குங்கள்
சிறந்தது என்பதில் உறுதியாக இருங்கள்
உங்களின் எதிர்காலத்தை எங்களுடன் பாதுகாப்பாக வைத்துக்கொள்ளுங்கள்
உங்கள் பாலிசியைப் பெறத் தயாரா?
ஸ்டார் கேன்சர் கேர் பிளாட்டினம் இன்சூரன்ஸ் பாலிசி
உடலில் உள்ள இயல்புக்கு மாறான செல்கள், கட்டுப்பாடின்றி அசாதாரணமாக வளர்வதே புற்றுநோய் (கேன்சர்) ஆகும். டி.என்.ஏ-வில் (DNA) ஏற்படும் பிறழ்வுகள் அல்லது மரபணு மாற்றங்கள் காரணமாகவே சாதாரண செல்கள் புற்றுநோய் செல்களாக மாறுகின்றன. இந்தக் கட்டுப்பாடற்ற செல்கள் வேகமாகப் பெருகி, அருகில் உள்ள திசுக்களுக்குள்ளும் ஊடுருவி, உடலின் பிற உறுப்புகளுக்கும் பரவுகின்றன. மார்பகப் புற்றுநோய், நுரையீரல் புற்றுநோய், பெருங்குடல் புற்றுநோய், மலக்குடல் புற்றுநோய் மற்றும் புரோஸ்டேட் புற்றுநோய் ஆகியவை பரவலாகக் காணப்படும் புற்றுநோய் வகைகளாகும்.
காரணங்களும் புரிதல்களும்
ஒருவரின் மரபியல் கூறுகள், சுற்றுச்சூழல் காரணிகள் அல்லது குறிப்பிட்ட உடல்வாகு சார்ந்த தன்மைகளே புற்றுநோய் ஏற்படுவதற்கு முக்கியக் காரணங்களாக அமைகின்றன. புகையிலைப் பயன்பாடு, மது அருந்துதல், அதிக உடல் எடை (உயர் BMI), பழங்கள் மற்றும் காய்கறிகளைப் போதிய அளவில் உட்கொள்ளாமை, உடற்பயிற்சியின்மை ஆகியவையும் புற்றுநோய்க்கான பிற முக்கியக் காரணங்களாகும்.
புற்றுநோய் தடுப்பு மற்றும் ஆராய்ச்சி தேசிய நிறுவனத்தின் (NICPR) புள்ளிவிவரப்படி, இந்தியாவில் தற்போது 22.5 லட்சம் பேர் (2.25 மில்லியன்) புற்றுநோயுடன் வாழ்ந்து வருகின்றனர்; ஆண்டுதோறும் சுமார் 11.5 லட்சம் புதிய நோயாளிகள், இந்தப் பட்டியலில் இணைகின்றனர். இந்நோயை ஆரம்பக் கட்டத்திலேயே கண்டறிந்து, சிகிச்சையைத் தாமதப்படுத்தாமல் தொடங்குவதன் மூலம் புற்றுநோயாளிகளின் வாழ்க்கைத் தரத்தை மிகச் சிறந்த முறையில் மேம்படுத்த முடியும். நோயைக் கண்டறிவது முதல் ரேடியேஷன் தெரபி, கீமோதெரபி அல்லது அறுவை சிகிச்சை வரை புற்றுநோய்க்கான மருத்துவச் சிகிச்சை முறைகள் அனைத்தும் அதிக செலவுடையவை.
ஸ்டார் கேன்சர் கேர் பிளாட்டினம் இன்சூரன்ஸ் பாலிசி (UIN: SHAHLIP22031V022122)
உலக சுகாதார அமைப்பின் (WHO) கூற்றுப்படி, இந்தியாவில் ஆண்டுதோறும் அதிர்ச்சியளிக்கும் வகையில் 11.6 லட்சம் (1.16 மில்லியன்) புதிய புற்றுநோய் பாதிப்புகள் பதிவாகின்றன; மேலும் மூன்றில் ஒருவருக்கு புற்றுநோய் பாதிப்பு ஏற்படும் அபாயம் உள்ளது. மாறிவரும் வாழ்க்கை முறை, மரபியல் காரணங்கள் மற்றும் சுற்றுச்சூழல் மாற்றங்கள் ஆகியவற்றால் புற்றுநோய் பாதிப்பு விகிதம் தொடர்ந்து அதிகரித்து வருகிறது. இச்சிகிச்சைகளுக்கான செலவு விண்ணைத் தொடும் அளவுக்கு மிக அதிகமாக உள்ளதால், புற்றுநோய்க்கான மருத்துவக் காப்பீட்டைப் பெற்றிருப்பது இன்றியமையாததாகும். இது உங்களுடைய சேமிப்பைக் கரைத்துவிடாமல் பாதுகாப்பதுடன், தரமான சிகிச்சையைப் பெறுவதற்கான நிதிப் பாதுகாப்பையும் உறுதிசெய்கிறது.
புற்றுநோய் காப்பீட்டுத் திட்டத்தில் நீங்கள் தெரிந்துகொள்ள வேண்டியவை
உயர்தர மருத்துவ வசதிகள் எளிதாகக் கிடைப்பது, புற்றுநோயாளிகளின் உயிர் பிழைக்கும் விகிதத்தை (Survival rate) கணிசமாக உயர்த்தியுள்ளது. இருப்பினும், புற்றுநோய்க்கான சிகிச்சை பெரும்பாலும் நோயாளியையும், அவரது குடும்பத்தினரையும் கடும் நிதிச்சுமைக்கு உள்ளாக்குகிறது. தொடர்ந்து அதிகரித்து வரும் மருத்துவக் கட்டண உயர்வு, உரிய நேரத்தில் தடையின்றி சிகிச்சை பெற முன்கூட்டியே நிதி ரீதியாகத் தயாராக இருக்க வேண்டியதன் அவசியத்தை உணர்த்துகிறது.
எனவே, சரியான புற்றுநோய் காப்பீட்டுத் திட்டத்தைத் தேர்ந்தெடுப்பது, நோயாளி விரைவில் குணமடைந்து, தனது இயல்பு வாழ்க்கைக்குத் திரும்புவதை உறுதிசெய்ய உதவும். சந்தையில் கிடைக்கக்கூடிய பல்வேறு வகையான புற்றுநோய் காப்பீட்டுப் பிரிவுகளைப் பற்றி, இப்போது அறிந்துகொள்வோம்.
புற்றுநோயாளிகளுக்கான தீவிர நோய்க் காப்பீடு: புற்றுநோய் போன்ற கொடிய நோய்களால் வரும் பண நெருக்கடியைத் தவிர்த்து, தரமான சிகிச்சை பெற தீவிர நோய்களுக்கான பிரத்யேகக் காப்பீடு (Critical Illness Cover) பேருதவியாக இருக்கும்.
தீவிர நோய்க் காப்பீட்டின் முக்கிய அம்சங்கள்
இக்காப்பீட்டுத் திட்டத்தின் முதன்மையான பலன்கள்:
- பாலிசியில் குறிப்பிடப்பட்டுள்ள ஏதேனும் ஒரு தீவிர நோய் இருப்பது கண்டறியப்பட்டால், காப்பீடு பெற்றவருக்கு ஒரே தவணையாக மொத்தத் தொகை (Lump-sum) வழங்கப்படும்; இத்தொகையை மருத்துவச் சிகிச்சைக்கோ அல்லது அது சார்ந்த பிற செலவுகளுக்கோ பயன்படுத்திக் கொள்ளலாம். புற்றுநோயைப் பொறுத்தவரை, முதன்முறையாக நோய் இருப்பது உறுதியான உடனேயே, இந்த மொத்தத் தொகை வழங்கப்பட்டுவிடும்.
- குறிப்பிட்ட தீவிர நோய்களுக்கு மட்டுமே பாதுகாப்பு அளிப்பதால், வழக்கமான பிற காப்பீட்டுத் திட்டங்களை விட, இத்திட்டத்தின் பிரீமியம் மிகவும் குறைவு. தீவிர நோய்க் காப்பீட்டைத் தனி பாலிசியாகவோ அல்லது தற்போது வைத்துள்ள மருத்துவக் காப்பீட்டுடன் இணைத்து கூடுதல் பாதுகாப்பாகவோ பெற்றுக்கொள்ள முடியும்.
புற்றுநோயைப் பொறுத்தவரை, பொதுவான தீவிர நோய்க் காப்பீட்டுத் திட்டங்களில் உள்ள சில குறைபாடுகள் பின்வருமாறு:
- புற்றுநோய் ஏற்கனவே உள்ள பாதிப்பாக (Pre-existing Disease) இருக்கும் பட்சத்தில், குறிப்பிட்ட காத்திருப்பு காலத்திற்குப் (Waiting Period) பிறகே இத்திட்டத்தின் கீழ் பாதுகாப்பு கிடைக்கும்.
- புற்றுநோயால் ஏற்படும் கூடுதல் உடல்நலப் பாதிப்புகளுக்குப் பெரும்பாலான தீவிர நோய்க் காப்பீடுகள் பாதுகாப்பு அளிப்பதில்லை.
- பொதுவாக இத்தகைய திட்டங்கள் புற்றுநோயின் ஆரம்பக் கட்டத்திற்கு மட்டுமே பாதுகாப்பு அளிக்கின்றன.
- பாலிசி எடுத்த முதல் 90 நாட்களுக்குள் புற்றுநோய்க்கான அறிகுறிகள் தென்பட்டால், இக்காப்பீடு முழுமையாக ரத்தாகிவிடும்.
- மேலும், வழக்கமான தீவிர நோய்க் காப்பீட்டுத் திட்டம், ஒரே தவணையில் மொத்தத் தொகையை (Lump-sum) வழங்கிவிட்டு முடிந்துவிடுமே தவிர, எதிர்கால பிரீமியக் கட்டணங்களில் இருந்து விலக்கு அளிக்காது. ஆனால், புற்றுநோய்க்கான பிரத்யேக மருத்துவக் காப்பீடு, இந்தத் தேவைகளை நிறைவு செய்யும்.
எனவே, புற்றுநோய்க்கான பிரத்யேகக் காப்பீட்டுத் திட்டத்தை எடுப்பதே அனைத்து வகையிலும் பயனுள்ளதாக இருக்கும்.
புற்றுநோய் சிறப்பு மருத்துவக் காப்பீட்டுத் திட்டம்: இது மருத்துவமனைச் செலவுகளுக்கு ஏற்ப இழப்பீடு வழங்கும் பாலிசியாகும் (Indemnity-based policy). இது புற்றுநோயின் ஆரம்ப நிலை (Early), முதன்மை நிலை (Primary) மற்றும் முற்றிய நிலை (Advanced) ஆகிய மூன்று நிலைகளுக்கும் முழுப் பாதுகாப்பு அளிக்கிறது. புற்றுநோய்க்கான மருத்துவமனை அனுமதி மற்றும் சிகிச்சைச் செலவுகளை முழுமையாக ஈடுசெய்வதற்காகவே பிரத்யேகமாக உருவாக்கப்பட்ட, தனித்துவமான மருத்துவக் காப்பீடு இதுவாகும்.
ஸ்டார் கேன்சர் கேர் பிளாட்டினம் இன்சூரன்ஸ் பாலிசியின் நன்மைகள்
புற்றுநோய்க்கான காப்பீட்டுத் திட்டத்தைத் தேர்வு செய்வதற்கு முன், அதன் மூலம் நோயாளிகளுக்குக் கிடைக்கும் முதன்மையான பலன்களைப் புரிந்துகொள்வது அவசியம்:
- முழுமையான புற்றுநோய் காப்பீட்டுத் திட்டம், ஆண்களுக்கும் பெண்களுக்கும் ஏற்படும் பல்வேறு வகையான புற்றுநோய்களின் ஆரம்ப நிலை மற்றும் முற்றிய நிலைகளுக்கும் பாதுகாப்பளிக்கிறது. மேலும், நோய் இருப்பது உறுதிசெய்யப்பட்ட உடனேயே மொத்தத் தொகை (Lump sum) வழங்கப்படுவதால், இது நிதி ரீதியான சுமையைக் குறைத்து மன நிம்மதியைத் தருகிறது.
- புற்றுநோய் மீண்டும் வருதல் (Recurrence), உடலின் பிற பாகங்களுக்குப் பரவுதல் (Metastasis), மற்றும் முந்தைய புற்றுநோயுடன் தொடர்பில்லாத வகையில் புதிதாக மற்றொரு புற்றுநோய் ஏற்படுதல் (Second Malignancy) ஆகிய அனைத்து நிலைகளுக்கும், இக்காப்பீடு முழுப் பாதுகாப்பை வழங்குகிறது.
இக்காப்பீட்டுத் திட்டத்தின் கீழ் பாதுகாப்பளிக்கப்படும் பொதுவான புற்றுநோய் வகைகள்:
- மார்பகப் புற்றுநோய்
- கருப்பைப் புற்றுநோய் (Ovarian Cancer)
- நுரையீரல் புற்றுநோய்
- வயிற்றுப் புற்றுநோய்
- தொண்டைப் புற்றுநோய் (Hypopharynx Cancer)
- புரோஸ்டேட் புற்றுநோய் உள்ளிட்ட பல.
பிற வகை புற்றுநோய்களுக்கு, நோயைக் கண்டறிதல், மருத்துவ சிகிச்சை மற்றும் அறுவை சிகிச்சை எனப் பல்வேறு கட்டங்களில், இழப்பீட்டுத் தொகை வழங்கப்படுகிறது. இது லேசான நிலை, தீவிர நிலை மற்றும் மிகக் கொடிய நிலை ஆகிய அனைத்துக் கட்ட சிகிச்சைகளுக்கும் பொருந்தும்.
- சில காப்பீட்டு நிறுவனங்கள், புற்றுநோய் அல்லாத பிற நோய்களுக்கான சிகிச்சைகளுக்கும், இத்திட்டத்தின் கீழ் பாதுகாப்பு வழங்குகின்றன. பெரும்பாலான புற்றுநோய் காப்பீடுகளுக்கு முன்கூட்டியே மருத்துவப் பரிசோதனை செய்துகொள்ள வேண்டிய கட்டாயமில்லை; மாறாக, முந்தைய சிகிச்சை விவரங்கள் மற்றும் மருத்துவ ஆவணங்களை விண்ணப்பத்துடன் சமர்ப்பித்தாலே போதுமானது.
- கட்டுப்படியாகக்கூடிய பிரீமியம் தொகையிலேயே, இத்தகைய புற்றுநோய் சிறப்புத் திட்டங்களைப் பெற முடிவது, இதன் முக்கிய சிறப்பம்சமாகும்.
- சில குறிப்பிட்ட சூழல்களில், எதிர்கால பிரீமியங்களைச் செலுத்துவதிலிருந்து விலக்கு அளிக்கும் சலுகையும் (Premium waiver) இதில் கிடைக்கிறது.
- இத்திட்டத்திற்கு நீங்கள் செலுத்தும் பிரீமியத் தொகைக்கு, வருமான வரிச் சட்டம் 1961 பிரிவு 80D-ன் கீழ் வரி விலக்குச் சலுகையும் பெறலாம்.
புற்றுநோயின் ஒவ்வொரு கட்டத்திற்கும் ஏற்ற பிரத்யேகப் பாதுகாப்பு
புற்றுநோயின் அனைத்து நிலைகளுக்கும் ஏற்ப வடிவமைக்கப்பட்ட தனித்துவமான அணுகுமுறையே, ஸ்டார் கேன்சர் கேர் பிளாட்டினம் இன்சூரன்ஸ் பாலிசியின் முதன்மையான பலமாகும். நோயை ஆரம்பத்தில் கண்டறிவது முதல் முற்றிய நிலை வரையிலான சிகிச்சையின் ஒவ்வொரு கட்டத்திலும் நோயாளிகளுக்குத் தேவையான நிதி ஆதாரத்தை, இத்திட்டம் தடையின்றி உறுதிசெய்கிறது. பொதுவான மருத்துவக் காப்பீடுகள் போல் அல்லாமல், புற்றுநோயாளிகளின் பிரத்யேகத் தேவைகளை முழுமையாக நிறைவு செய்வதற்காகவே, இக்காப்பீட்டுத் திட்டம் சிறப்பாக உருவாக்கப்பட்டுள்ளது.
புற்றுநோய்க்கு எதிரான நிதிப் பாதுகாப்பு
புற்றுநோயாளிகளுக்கு உறுதியான நிதிப் பாதுகாப்பை வழங்குவதே, இக்காப்பீட்டுத் திட்டத்தின் மிக முக்கியமான சிறப்பம்சமாகும். புற்றுநோய் சிகிச்சைகளுக்கான கட்டணம் மிக வேகமாக உயர்ந்து, வாழ்நாள் சேமிப்பைக் கரைத்து, குடும்பத்தைப் பொருளாதார ரீதியாக நிலைகுலையச் செய்துவிடும். இத்திட்டம் எந்தவொரு நிலையில் புற்றுநோய் இருப்பது கண்டறியப்பட்டாலும் அவர்களுக்கான பாதுகாப்பை உறுதிசெய்கிறது. மேலும், புற்றுநோய் மற்றும் புற்றுநோய் அல்லாத பிற நோய்களுக்கான மருத்துவமனைச் செலவுகளையும் ஏற்றுக்கொள்வதால், கட்டணத்தைப் பற்றிய கவலையின்றி நோயாளிகள் மிகச் சிறந்த சிகிச்சையைப் பெற முடிகிறது. இத்துடன் விருப்பத் தேர்வாக (Optional Cover) மொத்தத் தொகை பெறும் பலனையும் (Lump sum benefit) பெற்றுக்கொள்ளலாம்; இதன் மூலம் புற்றுநோய் மீண்டும் வருதல் (Recurrence), உடலின் பிற பாகங்களுக்குப் பரவுதல் (Metastasis) அல்லது முந்தைய புற்றுநோயுடன் தொடர்பில்லாத வகையில், புதிதாக மற்றொரு புற்றுநோய் ஏற்படுதல் (Second malignancy) ஆகியவற்றுக்கும் முழுப் பாதுகாப்பு வழங்கப்படுகிறது.
புற்றுநோயாளிகளுக்கான முழுமையான மருத்துவக் காப்பீடு
வழக்கமான மருத்துவக் காப்பீடுகளின் வரம்பைத் தாண்டி, நோயாளிகளுக்குத் தேவையான அனைத்துப் பாதுகாப்புகளையும், இத்திட்டம் ஒருங்கிணைத்து வழங்குகிறது. இதில் புற்றுநோய்க்கான மருத்துவமனை அனுமதி மற்றும் சிகிச்சைச் செலவுகள் மட்டுமின்றி, புற்றுநோய் அல்லாத பிற உடல்நலக் குறைபாடுகளுக்கான மருத்துவச் செலவுகளும் ஏற்றுக்கொள்ளப்படுகின்றன. இத்தகைய விரிவான அணுகுமுறை, புற்றுநோய் சார்ந்த சிகிச்சையோடு சேர்த்து, ஒருவரின் பொதுவான மருத்துவத் தேவைகளையும் முழுமையாகப் பூர்த்திசெய்து, தரமான பாதுகாப்பை உறுதிசெய்கிறது.
ஸ்டார் கேன்சர் கேர் பிளாட்டினம் இன்சூரன்ஸ் பாலிசியின் முக்கிய சிறப்பம்சங்கள்:
எந்தவொரு நிலையிலும் புற்றுநோய் இருப்பது கண்டறியப்பட்ட நபர்களுக்கு ஸ்டார் கேன்சர் கேர் பிளாட்டினம் இன்சூரன்ஸ் பாலிசி முழுப் பாதுகாப்பு அளிக்கிறது. அத்துடன், புற்றுநோய் மற்றும் புற்றுநோய் அல்லாத பிற நோய்களுக்காக ஏற்படும் மருத்துவமனைச் செலவுகளையும் இத்திட்டம் ஏற்றுக்கொள்கிறது.
- புற்றுநோய் அல்லாத பிற சிகிச்சைகளுக்கான பாதுகாப்பு: இக்காப்பீட்டுத் திட்டம் புற்றுநோய் அல்லாத பொதுவான மருத்துவச் செலவுகளுக்கும் விரிவடைந்து பாதுகாப்பளிப்பதால், புற்றுநோயாளிகளுக்குத் தேவையான அனைத்து மருத்துவத் தேவைகளையும், ஒரே இடத்தில் பூர்த்தி செய்யும் ஒரு முழுமையான தீர்வாக விளங்குகிறது.
ஸ்டார் கேன்சர் கேர் பிளாட்டினம் இன்சூரன்ஸ் பாலிசியின் தனித்துவமான சிறப்பம்சங்கள்
புற்றுநோயாளிகளின் தேவைகளுக்கு ஏற்ப வழங்கப்பட்டுள்ள தனித்துவமான அம்சங்களே, ஸ்டார் கேன்சர் கேர் பிளாட்டினம் பாலிசியைப் பிற திட்டங்களில் இருந்து வேறுபடுத்திக் காட்டுகிறது:
- தொடர் மருத்துவப் பரிசோதனைகள்: உடல்நிலையைத் தொடர்ந்து கண்காணிக்கவும், நோய்களை ஆரம்பத்திலேயே கண்டறியவும் பெரிதும் உதவும் வழக்கமான மருத்துவப் பரிசோதனைகள், இத்திட்டத்தில் அடங்கும்.
- இரண்டாவது மருத்துவக் கருத்து: மிகச் சிறந்த சிகிச்சை மற்றும் மருத்துவப் பராமரிப்பைப் பெறுவதை உறுதிசெய்துகொள்ள, காப்பீட்டுதாரர்கள் மற்றொரு மருத்துவ நிபுணரின் ஆலோசனையையும் பெற்றுக்கொள்ளலாம்.
சிறப்புப் புற்றுநோய் சிகிச்சைக்கான பாதுகாப்பு
கேன்சர் கேர் பிளாட்டினம் இன்சூரன்ஸ் திட்டம் நிதிப் பாதுகாப்போடு நின்றுவிடாமல், புற்றுநோயாளிகளுக்குத் தேவைப்படும் சிறப்பு மருத்துவப் பராமரிப்பிலும் கவனம் செலுத்துகிறது. மாத்திரை வடிவிலான கீமோதெரபி (Oral chemotherapy), ரோபோடிக் அறுவை சிகிச்சைகள் போன்ற அதிநவீன சிகிச்சைகள் மட்டுமின்றி, மறுவாழ்வுச் சிகிச்சை (Rehabilitation) மற்றும் வலி நிவாரணம் (Pain management) போன்ற துணைப் பராமரிப்புச் செலவுகளும், இத்திட்டத்தின் கீழ் ஏற்றுக்கொள்ளப்படுகின்றன.
ஸ்டார் ஹெல்த்தின் இக்காப்பீடு, புற்றுநோயை எதிர்த்துப் போராடும் காலத்தில் நோயாளிகளை நிதி ரீதியாகத் தயார்நிலையில் வைத்திருப்பதுடன், முன்கூட்டிய மருத்துவப் பரிசோதனைகள் ஏதுமின்றி புற்றுநோய் மற்றும் புற்றுநோய் அல்லாத பிற நோய்களுக்கான மருத்துவச் செலவுகளையும் ஏற்றுக்கொள்கிறது; மேலும், புற்றுநோய் மீண்டும் தாக்கினால் ஒரே தவணையாக மொத்தத் தொகையையும் (Lump sum) வழங்குகிறது. 5 மாதம் முதல் 65 வயது வரை உள்ளவர்கள், அதிகபட்சமாக ரூ. 10 லட்சம் வரை காப்பீட்டுத் தொகையைத் தேர்வு செய்து, இத்திட்டத்தில் இணையலாம்.
ஸ்டார் கேன்சர் கேர் பிளாட்டினம் இன்சூரன்ஸ் பாலிசி வழங்கும் முக்கிய நன்மைகள்
ஸ்டார் கேன்சர் கேர் பிளாட்டினம் இன்சூரன்ஸ் பாலிசி வழங்கும் விரிவான பாதுகாப்புப் பலன்கள்:
- தனிநபர் ஏசி அறைக்கான (Single Standard A/C Room) வாடகை மற்றும் செவிலியர் சேவை கட்டணங்கள் ஏற்றுக்கொள்ளப்படும்.
- அவசரக் கால ஆம்புலன்ஸ் சேவைக்கான கட்டணங்கள் வழங்கப்படும்.
- மருத்துவமனையில் சேருவதற்கு முந்தைய மற்றும் சிகிச்சைக்குப் பிந்தைய (30 நாட்கள் மற்றும் 60 நாட்கள்) வரையிலான மருத்துவச் செலவுகள் ஏற்றுக்கொள்ளப்படும்.
- கண்புரை (Cataract) சிகிச்சைக்கான தனி வரம்புடன், அனைத்து விதமான பகல்நேர சிகிச்சைகளுக்கும் (Day care procedures) முழுப் பாதுகாப்பு உண்டு.
- கிளைம் எதுவும் கோராத ஒவ்வொரு ஆண்டிற்கும் அதிகபட்சமாக ரூ. 2,500 வரை இலவச மருத்துவப் பரிசோதனை செய்துகொள்ளலாம்.
- மாத்திரை வடிவிலான கீமோதெரபி (Oral chemotherapy), ரோபோடிக் அறுவை சிகிச்சை உள்ளிட்ட 12 வகையான நவீன சிகிச்சைகளுக்கான மருத்துவச் செலவுகள் ஏற்றுக்கொள்ளப்படும்.
- புற்றுநோயாளிகளுக்குத் தேவைப்படும் சிறப்புப் பராமரிப்பைக் கருத்தில் கொண்டு, மறுவாழ்வுச் சிகிச்சை (Rehabilitation), வலி நிவாரணம் (Pain management), அதிநவீன சிகிச்சைகள் மற்றும் ஆதரவுப் பராமரிப்பு (Hospice care) ஆகியவற்றிற்கும் பாதுகாப்பு அளிக்கப்படுகிறது.
- புற்றுநோய் மீண்டும் வருதல் (Recurrence), உடலின் பிற பாகங்களுக்குப் பரவுதல் (Metastasis) அல்லது முந்தைய புற்றுநோயுடன் தொடர்பில்லாத வகையில் புதிதாக மற்றொரு புற்றுநோய் ஏற்படுதல் ஆகிய சூழல்களில், ஒரே தவணையாக மொத்தத் தொகையை (Lump sum) இத்திட்டம் வழங்குகிறது.
- முழுமையான பாதுகாப்பை உறுதிசெய்யும் நோக்கில், கிளைம் செய்யாத ஒவ்வொரு ஆண்டும் காப்பீட்டுத் தொகையில் 5% வீதம், அதிகபட்சமாக 50% வரை ஒட்டுமொத்த போனஸ் (Cumulative bonus) பலனை ஸ்டார் ஹெல்த் வழங்குகிறது.
ஸ்டார் கேன்சர் கேர் பிளாட்டினம் இன்சூரன்ஸ் பாலிசியில் பாதுகாப்பு கிடைக்காதவை:
இத்திட்டத்தின் கீழ் ஏற்றுக்கொள்ளப்படாத செலவுகள்:
- ஊட்டச்சத்து மாத்திரைகள், துணை உணவுகள் மற்றும் சத்துப்பொருட்களுக்கான செலவுகள் (Dietary supplements).
- அலோபதி அல்லாத பிற மாற்று மருத்துவ சிகிச்சைகளுக்கான செலவுகள்.
- அழகு சாதன மற்றும் பிளாஸ்டிக் அறுவை சிகிச்சைக்கான செலவுகள்.
- மருத்துவ ரீதியாக நிரூபிக்கப்படாத சிகிச்சைகள் மற்றும் மகப்பேறு சார்ந்த செலவுகள்.
- மலட்டுத்தன்மை மற்றும் கருத்தரித்தல் குறைபாடுகளுக்கான சிகிச்சைச் செலவுகள்.
- சுயமாகத் திட்டமிட்டு ஏற்படுத்திக்கொள்ளும் காயங்களுக்கான மருத்துவச் செலவுகள்.
முன்னணி காப்பீட்டு நிறுவனங்கள் பல்வேறு கூடுதல் வசதிகளுடன் கூடிய புற்றுநோய் காப்பீட்டுத் திட்டங்களை வழங்கி வருகின்றன. பல்வேறு வகையான தீவிர நோய்களுக்குப் பாதுகாப்பு அளிப்பதால், கிரிட்டிக்கல் இல்னஸ் (Critical Illness) திட்டங்களைத் தேர்ந்தெடுப்பதும், ஒரு சிறந்த தேர்வாக இருக்கும். உங்களின் பிரத்யேகத் தேவைகளுக்குப் பொருந்தக்கூடிய திட்டத்தை ஆராய்ந்து தேர்வு செய்யுங்கள், இத்தகைய உறுதியான நிதிப் பாதுகாப்பு, எதிர்பாராத மருத்துவச் சவால்களைத் துணிவுடன் எதிர்கொள்ள உதவும்.
இரண்டாவது மருத்துவக் கருத்து மற்றும் நல்வாழ்வுச் சேவைகளுடன் கூடிய ஸ்டார் ஹெல்த்தின் கேன்சர் கேர் பிளாட்டினம் இன்சூரன்ஸ் பாலிசியைத் தேர்வு செய்வது, குடும்பத்தைப் பண நெருக்கடியில் இருந்து பாதுகாத்து, நோயாளி முழு கவனத்துடன் சிகிச்சையில் ஈடுபட்டு, உடல்நலம் பெற வழிவகுக்கும்.
அடிக்கடி கேட்கப்படும் கேள்விகள்
கீமோதெரபி, கதிர்வீச்சு சிகிச்சை (Radiation) மற்றும் நீண்ட நாள் மருத்துவமனைப் பராமரிப்பு எனப் புற்றுநோய்க்கான சிகிச்சைச் செலவுகள் மிக அதிகம். இவற்றால் ஏற்படும் பெரும் பொருளாதாரச் சுமையிலிருந்து நம்மைப் பாதுகாத்துக் கொள்ள, ஒரு புற்றுநோய் காப்பீடு மிகவும் அவசியமாகும். இது மருத்துவக் கட்டணங்களைப் பற்றிய கவலையின்றி, நோயாளி விரைந்து குணமாவதில் பெறுவதில் மட்டுமே கவனம் செலுத்த உதவுகிறது. அத்துடன், நோய் கண்டறியும் பரிசோதனைகள் மற்றும் சிகிச்சைக்குப் பிந்தைய தொடர் மருத்துவச் செலவுகளையும் ஏற்றுக்கொண்டு மன அமைதியைத் தருகிறது.
Disclaimer:
Health Insurance Coverage for pre-existing medical conditions is subject to underwriting review and may involve additional requirements, loadings, or exclusions. Please disclose your medical history in the proposal form for a personalised assessment.
The information provided on this page is for general informational purposes only. Availability and terms of health insurance plans may vary based on geographic location and other factors. Consult a licensed insurance agent or professional for specific advice. T&C Apply. For further detailed information or inquiries, feel free to reach out via email at marketing.d2c@starhealth.in
